Yuhi ek din....!!

     Yuhi ek din....

Kabhi yuhi ek din khayaal aaya

Ki waqt tu theharata kyu nahi hai

Kyu daudata rehta hai tu

Kabhi samundar ki gehrayi tak

Kabhi parbato ki uchaai tak

To kabhi aasama se jameen tak

To kabhi mulko se sarhado tak

Ruk jara ki do ghadi aaram mile

Thehar jara ki bhatake huo ko raah mile

Apano ko apano ka saath mile

Rishton ko rishton ka gyan mile

Duriyon ko mitane ka, Nafrat ko ghatane ka

Pyar ko panapne ka, ijahaar ko bayan hone ka

Thoda sa to waqt mile, thoda sa to waqt mile.

Is tarah daudate rehna to baimaani hai,

Waqt tu kyu itna abhimaani hai,

Daudte rehna to bas baimaani hai, bas baimaani hai…!!